Markaðs- og ferðamál, samþætting nauðsynleg

Við skipulag ferðamála er nauðsynlegt að gera sér grein fyrir mikilvægi markaðsmála og skilgreina alla áhrifaþætti ferðamálaskipulagningar þ.e. stefnumótunar og/eða áætlunar um umbreytingar í ferðamálum. Þetta á jafnt við um opinbera aðila s.s. sveitarfélög sem ferðaþjónustufyrirtæki af öllum stærðum.

Ég hef haldið því fram að markviss og skilvirk áætlun í markaðsmálum sé órjúfanlegur þáttur í stefnumótun ferðamála á öllum stigum. Þetta segir okkur að nauðsynlegt er að skipuleggja markaðsmálin samhliða öðrum áhrifaþáttum og vanda sérstaklega skipulag og verkstjórn svo verkefnin komist á framkvæmdastig.

Endurmat og eftirfylgni aðgerðaáætlunar eru þeir þættir sem þurfa að vera undir stöðugu eftirliti, til að ráðrúm skapist til að aðlaga og breyta skipulaginu eftir síbreytilegum aðstæðum á markaði. Þetta er gert á grundvelli stefnumarkandi áætlanagerðar (e. Strategic Planning) sem er í eðli sínu umbreytanlegt ferli – í stöðugu endurmati og þróun eftir aðstæðum.

Við megum alls ekki aðskilja áætlun í markaðsmálum / stefnumótun í ferðamálum og skipulagt markaðsstarf, þ.e. vinna MARKAÐSÁÆTLUN MEÐ TILHEYRANDI AÐGERÐAÁÆTLUN, sem gjarnan er skipt í áfanga eftir áhersluröð og mikilvægi.

Sjá nánar: http://www.norema.is

Ferðamálaráðgjöf, til hvers?

Það er auðvelt að vera vitur eftir á. Hver þekkir ekki þennan málshátt, sem fáir vilja tileinka sér en er vinsæll í dagsins önn. Allar atvinnugreinar þarfnast sérþekkingar og gildir þá einu hvort unnið er við endurskoðun, lögfræði, húsbyggingar, búfræði, tölvufræði, verkfræði, arkitektúr, hjúkrun, lækningar, löggæslu, fiskveiðar og blikksmíði svo einhverjar atvinnugreinar séu nefndar.

Ferðþjónustan er í engu undanskilin þótt ekki upptalin hér fyrir ofan. Þessi ört vaxandi atvinnugrein sem meðal annars þjónar rúmlega 500 þúsund erlendum gestum sem sækja Ísland heim á hverju ári, þarf að nýta sér betur sérþekkingu sem fellur undir FERÐAMÁLAFRÆÐINA til að hámarka árangur af skipulögðu markaðsstarfi sem er greininni lífsnauðsynlegt.

Ég legg til að ferðaþjónustufyrirtækin ráði til sín menntað fólk á þessu sviði og skapi þannig verðmæti innan rekstrareiningarinnar sem nýtast til framtíðar.

Önnur fyrirtæki kjósa frekar að njóta aðstoðar menntaðra ferðamálafræðinga sem hlotið hafa þverfaglega menntun í faginu; sem sameinar með akademískum hætti þau fjölmörgu fagsvið sem leggja grunn að svo víðfemri atvinnugrein.

Sveitarfélög, opinberar stofnanir og fyrirtæki, hafa notið góðs af sérþekkingu á þessu sviði með kaupum á fagþjónustu í ferðamálum; s.s. úttektum og endurmati, rannsóknum og könnunum, skýrslugerð og verkefnaumsjón o.fl.

Skoðaðu nánar http://www.norema.is

Ferðamál

Hugtak sem nær yfir ferðaþjónustu og ferðamennsku, þ.e. annars vegar viðskiptin sem verða til við þjónustu ferðamanna og hins vegar athafnir ferðamanna.

Þróun og umbreytingar

Með hverri kynslóð koma nýir siðir, nýjar áherslur, ný ásýnd og nýjar þarfir sem kallast á við veruleikann á hverjum tíma. Þannig fær kynslóðin sín sérkenni, setur mark sitt á söguna sem fléttast áfram óhindruð og óumbreytanleg – þetta er sagan okkar.

Lífsgildin taka breytingum því umhverfið breytist stöðugt, þróast í takt við aðstæður á hverjum stað. Kjósum við að hafa áhrif á þessa þróun, eða aðra þætti sem hafa áhrif getum við fremur talað um umbreytingar sem við gerum með vitund og vilja – enda umbreytingarferlið skipulagt og fyrirsjáanlegt.

Þannig geri ég greinarmun á þróun og umbreytingum; hið fyrra er óumflýjanlegt og skýrist af ófyrirsjáanlegu ferli sem verður ekki stjórnað. En umbreytingum getum við stjórnað; gert áætlanir, tímasett, haft áhrif á, aðlagað og samþættað, haft samráð um og skipulagt.

Íslensk ferðaþjónusta þarf að aðlagast að þörfum markaðarins á hverjum tíma. Það er augljós staðreynd og óþarfi að rökstyðja frekar. Ferðaþjónustan hefur þróast í takt við óskir ferðamanna, á forsendum ferðaþjónustunnar; aðlagast að þörfum gestanna sem hafa þarfir er tekið hafa breytingum á síðustu árum. Þannig getum við talað um umbreytingar í eftirspurnarferlinu sem hefur verið hvatinn til aðlögunar í ferðaþjónustunni, en það er eðli viðskiptaþjónustu að leitast við að uppfylla kröfur viðskiptavina með umbreytingum / nýjungum sem verður afurð sem ferðamaðurinn vill kaupa.

Við höfum því ekki getað haft áhrif á þróunina, hún hefur verið óumflýjanleg, en við höfum getað stjórnað þeim umbreytingum sem orðið hafa á sama tíma. Það er forvitnilegt að velta því fyrir sér hvort við hefðum átt að skipuleggja þessar umbreytingar með öðrum hætti en nú er orðið. Gæti staðan verið önnur og betri ef svo væri? Spyrja má hvort stjórnlaus þróun sé æskileg, þegar við getum haft áhrif með jákvæðum umbreytingum.

Skoðaðu nánar: http://www.norema.is

Samfélagsleg nauðsyn ferðamennsku

Hvati okkar mannfólksins til ferðalaga byggir á forsendum, margvíslegum og í senn samfélagslegum og umhverfislegum. Við ferðumst á okkar forsendum, þegar okkur hentar og þegar okkur finnst það eiga við. Ferðalögin eru líka háð tískusveiflum, efnahag og efnahagsástandi, veðurfari, atvinnustigi, tekjum, staðsetningu/búsvæði, möguleika til að taka sér leyfi frá störfum og síðast en ekki síst aldri viðkomandi. Margt annað kemur hér við sögu; eins og ástand í alþjóðamálum, hryðujuverkaógnanir, fargjöld, ferðamáti o.fl.

Gaman er að velta því fyrir sér hvernig samfélaglegar aðstæður í nærumhverfinu geta stjórnað og haft áhrif á ferðahegðun okkar í sumarleyfinu. Hver kannast ekki við þá staðreynd að einn ferðamannastaður er öðrum vinsælli og þangað þurfa allir að koma til að vera eins og allir hinir…Glöggt má horfa til baka og skoða til dæmis söguna um Benidorm og Costa del Sol. Þingvellir eru ekki síður dæmi um slíkan stað – nauðsynlegan viðkomustað. Ég nefni hér Þingvelli því staðurinn er ekki beinlínis ferðamannastaður í hugum okkar Íslendinga, heldur söguslóð sem grópuð er í huga okkar sem einn merkilegasti og virðulegasti staður Íslands.

Nú þegar Hótel Valhöll heyrir sögunni til, eftir stórbruna fyrir nokkrun dögum er ekki úr vegi að líta til framtíðar og sjá fyrir sér hvernig við ættum að byggja upp á staðnum í sátt við umhverfi og samfélag. Það væri röng hugmynd að byggja þar hótel en öðru máli gegnir um veitingar og skylda starfsemi.

Þar ætti hiklaust að byggja ÞJÓÐERNIS OG MENNINGARHÚS, fyrir alla Íslendinga, gesti og gangandi. Sýna þannig arfleifðinni sóma með umgjörð utan um söguna sem þar var skrifuð og minnast má í hverju fótmáli. Næturgestir geta leitað annað eftir hvíld. Þarna verði einn vinsælasti ferðamannastaður landsins.

Ferðamennska er hverju samfélagi nauðsynleg og hefur svo verið um ómunatíð. Nú þegar ferðaþjónustan er einn umfangsmesti atvinnuvegur veraldar, er ekkert sjáfsagðara en að nýta öll þau viðskiptatækifæri sem felast í ferðamennskunni. En hvað felst í þessari fullyrðingu. Eigum við að horfa áfram veginn með bundið fyrir augun eða sjá fyrir okkur sjálfbæra nýtingu þannig að komandi kynslóðir fái að njóta þess sem við höfum í dag – án málamiðlana.

Við eigum að skipuleggja til framtíðar en þó gera aðgerðaáætlanir til skemmri tíma til að tryggja árangur og forðast fögur fyrirheit í skýrslum sem hafa engan tilgang í sjálfu sér – heldur gera okkur grein fyrir því að langtímamarkmið nást ekki nema unnið sé eftir áætun um verkefnið í heild.

Hvorki landið okkar, umhverið né samfélag má við því að málum sé klúðrað með ævarandi sárum og ófullnægjandi uppbyggingu sem vegna mistaka í undirbúningi eða verkferli verður ekkert nema loforð um svikna framtíð.

Það er engin atvinnugrein svo altumfaðmandi sem ferðaþjónustan. Hún þarf meiri athygli stjórnvalda, meiri umhyggju og sterkari málsvara en nú er til að njóta sannmælis meðal atvinnugreina sem oft er talað um sem undirstöðu greinar s.s. fiskveiðar, landbúnað og iðnað. Ferðaþjónustan er yngst á þessum leikvelli viðskipta en er löngu tilkominn og nánast jafngömul þjóðinni. Þess vegna vil ég tala um eina elstu atvinnugrein þjóðarinnar, en ekki þá yngstu!

Skoðaðu nánar: http://www.norema.is

Forsendur ferðmannsins

Hér kemur texti

Hlutverk ferðaþjónustunnar

Hér kemur texti